لوسي بأوّل تعليق بعد استبعادها من مسرحية “الحفيد”

متابعة بتجــرد: في أوّل تعليق لها على قرار استبعادها من مسرحية “الحفيد”، واختيار الفنانة سما إبراهيم لتقديم دور البطولة بدلاً منها، أكدت الفنانة لوسي أنها هي التي قرّرت عدم المشاركة في المسرحية، وذلك بعد تعرّضها لإساءة شخصية ودينية.

وقالت لوسي إنها لا تعلم تفاصيل ما حدث، وتنتظر المحامي الخاص بها ليخبرها بآخر تطورات أزمة مسرحية “الحفيد” التي تُعرض على خشبة المسرح القومي، موضحة: “كل اللي بيحصل ده أنا معرفوش ومنتظرة المحامي يكلّمني يفهّمني، لأنهم لو بيعيدوا نفس الحكاية يبقى هما راضيين عن الغلط اللي بيحصل على خشبة المسرح القومي”.

وأشارت لوسي إلى أنه إذ تم عرض العمل المسرحي بنفس الممثلين والمخرج، ستعود المشاكل من جديد، بالقول: “مفتكرش أن وزيرة الثقافة هتوافق على الإساءة لخشبة المسرح القومي، ولمصر وللأديان وللألفاظ الخارجة اللي اتقالت على المسرح، ومعتقدش إن حد يوافق على الكلام ده، وبالنسبة لي أنا بتمنى النجاح لكل الناس ويارب تنول النجاح اللي أنا عملته على خشبة المسرح القومي، أنما هما هما نفس الأشخاص ونفس المخرج هتبقى أزمة وبيعيدوا نفس المشاكل تاني وأنا بره المشاكل دي”.

وعن تقديم دور البطولة ببطلة جديدة، أكدت لوسي أنه قرارها الشخصي ولم يستبعدها أحد من المسرحية، موضحةً: “أنا اللي وقفت من المسرحية ومحدش قالي أقف خالص، وأنا مش ندمانة لأني مش موافقة أقف على خشبة المسرح القومي أسمع إهانتي وأسمع إهانة الأديان وأسمع ألفاظ خارجة، أنا مسمحش بكدا ومعالي الوزيرة مش هتسمح بالكلام ده، وفيه مدير للمسرح وهو في السعودية وأكيد فيه قرار منه إنهم يعيدوا المسرحية تاني”.

وأضافت: “بس النيابة الإدراية لما حققت، حققت مع الموظفين، هما موظفين أنا مش موظفة، واتحقق برضو معايا وقولتهم في دليل الكاميرات بس للأسف كل حاجة اتمسحت ودا كان ضدهم مش معاهم، بس برضو أنا معرفش لسه إيه هي حيثيات الحكم”.

وأكدت لوسي أنها ستوافق على تقديم أعمال أخرى على خشبة المسرح القومي، ولفتت إلى أن وقوفها على هذا المسرح يزيدها شرفاً، معلقةً بالقول: “أنا غيرتي على المسرح القومي هي اللي وقفتني عن مسرحية “الحفيد”، غيرتي على قاعة سميحة أيوب، وعلى أم المسارح المسرح القومي، هي اللي خلتني أقف وأكلّم معالي الوزيرة وأقولها في أخطاء جسيمة بتحصل جوه المبنى، جسيمة بكل بمعنى الكلمة”.