أحمد سعد بأوّل رد على سخرية سمية الخشاب من ملابسه الشفافة

متابعة بتجــرد: على هامش حضوره حفل توزيع جوائز “ميدل إيست ميوزك أورد” MEMA في مدينة العلمين الجديدة، علّق الفنان أحمد سعد على سخرية طليقته الفنانة سمية الخشاب من إطلالته الشفافة في الحفل الذي أحياه بمدينة جدّة في المملكة العربية السعودية وعرّضته للعديد من الانتقادات اللاذعة.

وقال سعد: “سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايماً وأكيد بتحبّلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل”.

وعن زوجته علياء بسيوني، قال سعد: “طبعاً هي السر الأكبر والأعظم في نجاحي وربنا يخلّيها ليا ويخلّي ليا بنتي علشان بنتي مهمة جداً”.

وعلّق أحمد سعد على انتقادت الجمهور، قائلاً: “أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي”. وأضاف: “الناس شايفنِّي في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلاً مش من الناس اللي بتصر على الحاجات الغلط، وبطلع أقول أنا غلط طالما معجبهمش”.